Laguntza
Parke Naturalak Ezagutu Euskal Herrian dauden gune naturalen gaineko ezagutzak jasotzeko eta horien inguruan sortzen diren zalantzak argitzeko ikasmaterial bikaina da.
Parke Naturalak Ezagutu izeneko gunearen xedea hau da: irakaskuntzarako lagungarri izateaz gain, Euskal Herrian dauden eremu babestuen berri izatea, bertan zer espezie (fauna eta flora) dauden ezagutzea eta oro har, ingurune hauetako ekosistemak babesten eta errespetatzen ikastea. Gainera parke naturaletan eta ibilbide ekologikoetan antolatutako jarduerak egiten ikasiko du ikasleak.
Aurkezpen-orriko atal nagusiak hauek izango dira:
- Azalpen teorikoa: parke naturalak zer diren eta zein baldintza bete behar dituzten izendapena jaso ahal izateko. Eremu babestu hauek babesteko bete beharreko aholkuak ere jasoko ditu erabiltzaileak.
- Euskal Herriko Parke Naturalak: bertan Euskal Herriko lurralde ezberdinetan izendatuak izan diren eremu naturalen zerrenda emango da une oro errepikatuko den eskema honekin:
- taula tekniko baten bitartez parke naturalen datuak eta ezaugarriak modu didaktiko eta ulerterraz batean azalduko dira, hala nola datu nagusiak, deskribapen orokorra, balio naturalak, kultura-ondarea eta argazkiak.
- Testa: aurretik jasotako edukiaren inguruan inguruko hamar galderez osatutako testa.
Unitate horiek ikasmaterial guztiaren adar nagusiak dira eta, horietan murgilduz gero, eduki guztietan zehar nabigatu ahal izango da.
Horrez gain, ikasmateriala ingurumenaren babesarekin oso lotua dagoenez, fitxa bakoitzaren amaieran ikasleak Lurra garbi eta osasuntsu mantentzeko egin dezaken ekintza txiki bat aholkatuko da.
Horiez gain, ariketa praktikoei dagokien unitatea dago: bertan, ikasitako kontzeptuak praktikan jartzeko talde-dinamikak prestatuko dira; erreminta horiek norberaren aisia-jardueretan erabil daitezkeela eta kultura- eta natura-ondarea aztertzeko oso baliagarriak izan daitezkeela ikusiko du ikasleak.
Gainera, edukien osagarri moduan, hainbat irudi, bideo, hausnarketarako ariketa eta hainbat lamen tekniko jaso direnez, kontzeptuak irakurtzea, ulertzea eta bereganatzea erraza eta erakargarria egingo zaio erabiltzaileari.
Azkenik, erabiltzaileak ikasmaterialaren aurkibidean aldi oro eskuragarri edukiko ditu Gida didaktikoa, Bibliografia, Glosategia, Lotura interesgarriak eta Webgunearen mapa.
Orain, webgunean murgiltzea bakarrik falta da.
EGIN KLIK HEMEN GEHIAGO JAKITEKO!