Atal honetan bi motatako ariketak aurkituko dituzu. Batetik, talde dinamikak daude eta ikasitako kontzeptuak ikaskideen artean lantzeko ariketak dira. Bestetik, jolas interaktiboak daude, modu dinamikoan ikasita edukiak bikote-bikote, gurutzegrama eta puzzlea bezalako jolasekin uztartzeko asmoz.
Sail honetan hiru ekimen dauzkazue praktikan jartzeko. Aukeratu bat eta aurrera:
Bikote-bikote
Irudiekin edo kontzeptuekin bikoteak osatzeko jarduera-mota honen bitartez ikasleek aurretik ikasitako guztia praktikan jartzeko aukera dute.
Elkar itzazu irudiak dagokion eraikuntza-elementuarekin. Joan zaitez laukitxoen gainea klik egiten eta elkar itzazu irudiari dagokion bikotea!
Egin klik hemen eta ... Zorte on!
Puzzlea
Berez, oso sinplea da jokoa, baina burua zertxobait astindu beharko duzu irudia ahalik eta azkarren osatzeko.
Hasierako irudiari ondo erreparatu, presarik gabe, eta jarraian pieza bakoitza bere lekuan jarri.
Aurrera!
Ezkutuko hitza
Hemen ere ordenagailuaren aurka egin behar duzu. Hitz bat desagertu egin da eta zein den asmatu behar duzu. Klik egin letren gainean eta ea urkatuaren irudia osatu baino lehen asmatzen duzun.
Animo!
Herriko arkitektura ezagutzen
Jarduera-mota honen bitartez, ikasleek euren herrian dauden hainbat eraikinetan erabili izan diren material ezberdinen gaineko informazio jasoko dute. Horrela historian zehar material-motak nola aldatu eta moldatu diren ikasi ahal izango dute. Herriko eraikinetako material ezberdinen zerrenda jaso ondoren, Internet bidez materialen historia zein izan den bildu eta talde bakoitzak material bat aurkeztuko du gelako beste kideen aurrean:
- Lekua: Herria eta ikastetxea
- Beharrezko materialak: Koadernoa, harkatza eta Interneteko konexioa
- Antolakuntza: Jolasaren azalpena:
- 4-5 kidetako taldetan antolatuko zarete.
- Zuen herrian edo hirian dauden bost eraikin esanguratsu aukeratuko dituzue.
- Eraikin horiek zein materialekin dauden eginak aztertuko duzue (altzairua, kristala, hormigoia, harria, egurra....). Horretarako Internet edo ikastetxeko liburutegiko edukiak erabil ditzakezue.
- Jasotako informazioarekin eta materialarekin fitxa bat beteko duzue: eraikinaren izena eta lekua, garaia eta estiloa, eraikinaren funtzioa, eraikinaren deskribapen laburra, erabilitako material nagusia eta materialaren historia laburra: noiztik erabiltzen den material hori, zergatik, etb.
- Material bakoitzeko fitxa bat bete duzuenean, gelakideei aurkeztuko diozue.
Gure ondarearen bideak
OndareBideak webgunea ondare digitala atzitu, erabili eta interpretatzeko modu berriak eskaintzen dituen proiektua da.
Liburutegi, museo eta artxibategietako ondarea gero eta gehiago digitalizatuta dago, eta lekuan bertan ez ezik atari digitalen bidez ere kontsulta dezakegu
Jarduera honetan egingo duzuen ariketaren bitartez, ikasitako arkitektura estiloetan barna ibilbide birtual bat egitea lortuko duzue; hau da, ikasitako estilo bakoitzetik Euskal Herriko eraikin bat aukeratuko duzue eta horiekin ibilbide bat osatu. Ondoren, gelakideei aurkeztuko diozue.
Has gaitezen!
Lehenik eta behin 4-5 kideko taldetan bilduko zarete eta ibilbidea prestatzen hasi.
- Pentsatu garai webgune honetan ikasitako estilo arkitektoniko bakoitzeko eraikin bat.
- OndareBideak webgunean sartu eta izena eman ondoren saioa hasiko duzue.
- Behin saioa hasita webgunea pixka bat ezagutzeko aukera ez galdu! Atalak, jasotzen dituen material motak eta abar.
- Webguneko bilaketa-leihoan aukeratu duzuen eraikinaren bilaketa egingo duzue.
Jasotzen ditugun emaitza guztietatik gustukoena aukeratuko dugu eta ondoren aukeratutakoa zuen-lan eremura eramateko alboan dagoen "+" ikurrari emango diozue. Modu horretan joango zarete jarduera hasieran aukeratu dituzuen eraikin ezberdinak bilatzen eta gehitzen.
- Behin elementu guztiak aukeratu dituzuela, zuen "Lan eremura" joko duzue. Bertan aukeratu dituzuen elementu guztien bilduma topatuko duzue.
- Jaitsi irudiak lan-eremutik arbelera: gainean kokatu eta geziari klik egin.
- Irudiak ibilbidean kokatu: irudi bat beste baten gainean kokatu eta askatuz, azpikoaren jarraian kokatuko da. Nahi duzuen beste aldatu ahalko duzue irudien posizioa.
- Irudiei interpretazio edota narrazio pertsonala eman (aukerazkoa): irudien gainean klik bikoitza egin eta agertuko den leihoan idatzi.
- "Gorde ibilbidea" botoia sakatu eta eskatzen diren datuak bete.
- Gogoratu: datuak modu egoki eta osatuan betetzeak ondoren ibilbidea bilatzen lagunduko du.
- Azalpen gehiago behar baldin badituzu, ikusi tutorial-bideoa.
Behin batean arkitekturan
Ariketa honetan arkitekturako estilo ezberdinekin ikasitako edukiekin denbora-lerro bat osatuko dugu, modu horretan, oso modu errazean estilo guztiak edukiko ditugu.
Timeline edo denbora-lerroa kronologikoki ordenatutako gertakizunen irudikapen grafikoak dira, eta gertakizun horien arteko denbora-erlazioa bistaratzea ahalbidetzen dute:
Denbora-lerro bat egiteko, honako urratsa hauek emango dituzue:
- Adina: 12 urtetik aurrera
- Lekua: Ikastetxean bertan
- Beharrezko erremintak: koadernoa, arkatza eta Tiki-Toki web aplikazioa
- Antolakuntza eta ariketaren azalpena:
- 4-5 kidetako taldetan antolatuko zarete.
- Denbora-lerroaren izenburua definituko duzue, beti ere, lantzen ari zareten gaian oinarrituta.
- Ikasitako arte-estilo ezberdinak identifikatuko dituzue.
- Lehenik, estilo bakoitzaren ezaugarriak definituko dituzue: hasiera- eta amaiera-data, estiloaren deskribapen laburra, erabili beharreko informazio mota (testua, irudia, soinua, audioa, bideoa, etab.).
- Behin aurreko lanak eginak dituzuela Tiki-Toki aplikazioa ireki, bertan izena eman eta erabiltzaile-izenarekin saioa hasiko duzue.
- Datuak aukeratutako programa edo web-zerbitzuan txertatzen hastea besterik ez zaizue geratzen!
Oharra: Tiki-Toki aplikazioa erabiltzea oso erraza den arren,
hemen daukazue Tiki-Toki aplikazioa euskaraz ikasteko tutoriala, pausuz pausu eta oso modu errazean tresna honen erabilpena erakusten duena.
